《第5卦(需)水天需》由会员分享，可在线阅读，更多相关《第5卦(需)水天需（3页珍藏版）》请在金锄头文库上搜索。
1、易經第五卦 【需】水天需 坎上乾下需 ：有孚，光亨，貞吉。利涉大川。彖曰：需，須也險在前也。剛健而不陷，其義不困窮矣。需有孚，光 亨，貞吉。位乎天位，以正中也。利涉大川，往有功也。象曰：云上於天，需君子以飲食宴樂。初九：需于郊。利用恆，無咎。象曰：需于郊，不犯難行也。利用恆，無咎未失常也。九二：需于沙。小有言，終吉。象曰：需于沙，衍在中也。雖小有言，以終吉也。九三：需于泥，致寇至。象曰：需于泥，災在外也。自我致寇，敬慎不敗也。六四：需于血，出自穴。象曰：需于血，順以聽也。九五：需于酒食，貞吉。象曰：酒食貞吉，以中正也。上六：入于穴，有不速之客三人來，敬之終吉。象曰：不速之客來，敬之終吉。雖不當
2、位，未大失也。第五卦 水天需 講議篇 占到呢一卦問前程，只要係有信心的等待，所謀的事就一定會成功，在等待的時候，唔好俾閒言閒語動搖到信心，亦唔好受到讚賞而松懈，就己經立於不敗之地。問婚姻未結婚的就有排等，問結婚就會成功，問離婚就唔符合爻義，呢一卦係講信用，講齊齊過大川，所以唔主張離婚問事業除左要等待時機之外，重要識得保護自己，呢一卦係讚成合作的，打工仔就主張去外面闖下的大川，危險都唔怕。初九：占到呢一爻問前程，因為前景完全唔明朗，要投資係好冒險的，千祈唔好以為縮沙係無面的事，亦都唔好俾人激得兩激就唔忍得，落疊就會有損失問婚姻未結婚的就表示現在呢個唔係好對像，要重新考慮，如果結左婚就反對離婚，因
3、為呢一爻係主張以忍耐為主，如果問離婚都係暫時忍下先啦，自然會有轉機的問事業唔主張創業，因為創業係冒險的行為，問結業亦唔主張，呢一爻認為守落去係有前途的，打工就唔好轉工。九二：占到呢一爻問前程，所謀的事進展非常緩慢，重有好多阻滯，如果唔心急的話，呢件事一定會成功的。問婚姻無論結左婚未，都要有心理準備，好多閒言閒語，問結婚雖然有阻滯，但係都會成功問離婚表示呢段婚姻一定係俾人破壞或者有第三者，只要稍加忍耐就會無事，所以呢一爻係唔主張離婚的。問事業呢一爻係唔主張合作，亦都唔主張創業，因為呢一爻係主張低調的，所以打工仔亦唔主張轉工的。九三：占到呢一爻問前程所想做的野好多都係身不由己，睇住一件事就來成功，
4、但係好容易會俾自己人所破壞，所以要審慎從事。問婚姻係好的，但係唔係自己的理想，問結婚就好，問離婚亦讚成，因為內部出左問題，所以離婚都好。問事業就唔主張合作，亦唔主張創業，問結業就好，打工就主張轉工。六四：占到呢一爻問前程一定先處於非常惡劣的環境之中，原因就係信錯人，令到自己身陷險境，但係唔使氣餒，因為山窮水盡疑無路，自然有條秘密通道，有出乎意料之外發展。問婚姻就唔好強求順自己的能力去做，超出自己的能力，就追得到都未必好，問結婚雖然多波折，但係都會成功，問離婚就唔讚成，孔子話順以聽也乖乖地聽話，所?H 離婚係唔符合個爻義。問事業就唔主張合作，亦唔主張創業，如果問好唔好守落去就贊成堅持，打工就唔好轉工。九五：占到呢一爻問前程環境一路一路好，自己可以獨立處理事情，唔使求人。 問婚姻係一段美滿的婚姻，結婚就好，離婚就唔主張。問事業可以創業，但係唔主張合作，亦唔主張轉工。上六：占到呢一爻問前程有突發的意外，但係唔使驚，會有意想唔到的人來幫你。問婚姻未結婚就會有挫折，問結婚就好快趣成事，問離婚就唔合爻義。問事業可以創業，亦可合作，打工仔都係宜靜不宜動。
