01山里有只庙，庙里有只缸，缸里有只碗，碗里有只蛋，蛋里有个小和尚嗯呀嗯呀要吃绿豆汤02 (无语音)一歇哭, 一歇笑, 两只眼睛开大炮 一开开到城隍庙， 城隍老爷哈哈笑03大头大头落雨不愁人家有伞吾有大头04落雨喽打烊喽小八腊子开会喽大头娃娃跳舞喽05笃笃笃卖糖粥三斤蒲桃四斤壳吃侬合肉还侬壳张家老伯伯请侬开开门问侬讨只小花狗旺旺旺06《称呼》上海闲话真有趣，称呼搭人家勿一样宝宝个妈妈叫姆妈，姆妈个姆妈叫外婆，姆妈个阿爸叫外公宝宝个爸爸叫阿爸，阿爸个阿爸叫阿爷，阿爸个姆妈叫阿奶07《嘟嘟飞》嘟嘟飞，虫虫飞，拍拍小手虫虫飞；嘟嘟飞，虫虫飞，扇扇翅膀虫虫飞；嘟嘟飞，虫虫飞，翻个跟斗虫虫飞；嘟嘟飞，虫虫飞，恭喜拜年虫虫飞08《尾巴》撒人尾巴长，猴子尾巴长，撒人尾巴短，兔子尾巴短，撒人尾巴像把伞，松鼠的尾巴像把伞，撒人尾巴扁，鸭子尾巴扁，撒人的尾巴像扇子，孔雀的尾巴像扇子09《小花狗》一只小花狗，眼睛骨溜溜，坐了门口头，想吃肉骨头、10(无语音)小三子， 拉车子， 一拉拉到陆家嘴 拾着一包香瓜子， 炒炒一锅子， 吃吃一肚子， 拆拆一裤子， 到黄浦江边解裤子， 拨拉红头阿三看见仔， 拖到巡捕行里罚角子。
11《有趣个菜名》(无语音)阿拉才是上海人，上海闲话真好听菜场里厢兜一圈，各种菜名讲得清白菜叫作黄芽菜，玉米叫作珍珠米莴苣叫作香乌笋，土豆叫作洋山芋西红柿，叫番茄，茄子茄子叫落苏，还有交关好小菜，大家才来寻一寻12《山上有只老虎》山上有只老虎，老虎要吃人，把它关勒笼子里；笼子坏脱，老虎逃脱；逃到南京，买包糖精，摆勒水里浸一浸，米西米西拉胡琴13本来要打万万记，现在辰光来勿及，马马虎虎打十记：一、两、三、四、五、六、七、八、九，十打了十记还勿够，还要打三记：一、两、三 三，三，三， 山上有只木头人， 不许讲话不许动14《好宝宝》侬要撒，我要好，撒叫好，好宝宝，撒叫宝，宝塔山，撒叫山，山上有只大老虎，撒叫虎，花里斑，撒叫斑，搬了石头上高山15《大蜻蜓》大蜻蜓，绿眼睛，两只眼睛晶晶亮，飞一飞，停一停，飞来飞去捉苍蝇16《三字歌》今朝礼拜三，上海来了个小瘪三，着末着件白衬衫，撑末撑顶黑阳伞，拖末拖双木拖板，跑末跑到凤凰山，凤凰山上跌下来，屁股跌得粉粉碎，打只三零三，三零三，医生猪头三17摇啊摇，摇啊摇，摇到外婆桥，外婆叫我好宝宝.糖一包，果一包，外婆买条鱼来烧头勿熟，尾巴焦，盛在碗里吱吱叫，吃拉肚里豁虎跳.跳啊跳，一跳跳到卖鱼桥，宝宝乐得哈哈笑18炒炒炒，炒黄豆，炒好黄豆翻跟斗19冬瓜皮，西瓜皮，小姑娘赤膊老面皮。
20《上海小吃》(无语音)上海小吃花样多,大饼油条小笼包,咸浆锅贴肉馒头,老虎脚爪粢饭糕，粢饭炝饼小馄饨，吃好今朝想明朝。