囝仔歌(兒歌) 二、兒歌：按照內容分做下面幾種： （一）搖囝歌：如上二）民俗儀式類：除了頂面大人唸的以外，嘛有囡仔唸的，其中重複的部分 大人、囡仔攏會使唸得：1.〈鶆鶚〉 鶆鶚（lai5hioh8）啊鶆鶚，鶆鶚飛上天，嬰仔緊做官； 鶆鶚飛懸懸（kuan5kuan5） ，嬰仔中狀元； 鶆鶚飛低低（ke7ke7） ，嬰仔緊做老父（pe7） 【註】這首歌謠是查甫嬰仔滿月的時唸的阿兄、抑是阿姊（無阿兄、阿姊就 請厝邊隔壁的囡仔） ，用揹巾共嬰仔揹咧，手夯雞筅（ching2） ，一面行一面摃 塗跤一面唸如果是查某嬰仔，就干礁唸「鶆鶚來喔」 儀式了，揹紅嬰仔的囡 仔會當得著一支雞腿2.〈天公伯〉 天公伯也，緊好天，大人愛趁錢，囡仔愛過年，乞食愛普渡，長工愛落雨，運 動愛行路，查某愛大肚 註】若落雨連紲（sua3）落幾何工，囡仔袂當出去佚陶，伊就會唸即條歌3.〈一二三四〉 一二三四，囡仔人褪裼（thng3theh4）無代誌，土地公伯也來保庇4.〈目睭皮掣〉 目睭皮掣（chuah4） ，好事來，歹事煞，觀音佛祖來排撥5.〈目睭公〉 目睭公，目睭婆，吹吹馬上好6.〈月光光〉 月光光，汝是兄，我是弟（ti7） ，毋通（m7thang1）夯刀割我雙爿耳。
【註】以早的人認為袂使用手指月娘，若無，盈時咧睏月娘會來共耳仔割去 所以若無張持指著月娘，就愛緊唸即首歌謠7.〈拜月娘〉 拜月娘，拜月姊（ci2）好頭毛，好喙（chhui3）齒， 大是兄，細是弟（ti7） ， 汝毋通（m7thang1）夯刀仔割我雙爿耳 【註】佮頂面仝款8.〈風緊來〉 風緊來，一先予汝買旺萊 風緊去，一先予汝買葭笥（ka1ci3） 【註】天氣真熱，囡仔向望風吹來，就會唸即句「風緊來，一先予汝買旺萊」 另外一個囡就作怪講「風緊去，一先予汝買葭笥」 9.〈風若透〉 風若透，檨（suainn7）仔就到； 風若吹，檨仔就斷椏（ue1） 【註】熱天若到，檨仔欉就開始生檨仔，囡仔想欲食的時，伊就唸即首歌謠， 向望透風颱，安爾檨仔就會跋落來，才有通食三）佚陶（chit4tho5）類：1.〈挨啊挨〉 挨（e1）啊挨噓噓（hu7） ，宰雞請阿舅， 阿舅食無了，偆（chun1）一枝雞跤雞後爪， 予嬰仔夯椅仔掛（khue3）跤，偷食了了 【註】這是大人佮囡仔做伙佚陶的歌，耍（sng2）方法是安爾： 1.大人囡仔面相向坐咧，雙手十支指頭仔交雜握做伙，一面唸，一面綴著韻律，一面像咧挨粿安爾挨來挨去。
2.大人坐咧，雙跤合齊齊，細漢囡仔坐佇大人的跤盤，手相扭（giu2） ，喙一面 唸，大人的雙跤一面上下振動2.〈戽蝦仔〉 戽蝦仔，戽蝦仔，戽家蚤（ka1cau2） ，戽三升（cin1）五米斗 【註】大人坐咧，雙跤合齊齊，細漢囡仔坐佇大人的跤盤，手相扭（giu2） ，喙 一面唸，大人的雙跤一面上下振動3.〈點啊點水缸〉 點啊點水缸，啥人放屁爛尻川（kha1chng1）？ 點啊點茶鼓，啥人今暗欲娶某？ 點啊點茶甌（au1） ，啥人今暗來阮兜（gun2tau1）？ 【註】囡仔咧耍的時，若有人放屁，而且無人欲承認，為著欲揣（chue7）放屁的人，囡著定定會唸即條歌 方法是：一面唸一面點，一字點一人，上尾後夆（hong5）點著的人就是放屁的 人4.〈點尪仔膏藥〉 點啊點膏藥，啥人放屁欲著汝就著 【註】耍法佮頂面類似5.〈點啊點叮噹〉 點啊點叮噹，油炒蔥，肉堅凍， 阿公媽，夯鐵鎚，摃（kong3）破水缸甕 【註】囡仔欲佚陶進前愛先「點鬼」 ，由一人做點的人，其他的人圍做一個圓箍 仔，一面唸一面點，一字點一人，上尾後夆（hong5）點著的人就愛做「鬼」 6.〈點啊點茶鼓〉 點啊點茶鼓，啥乜人啊盈暗娶某； 點啊點叮噹，啥乜人啊盈暗嫁翁； 點啊點鉛筆，啥乜人啊盈暗做白賊七； 點啊點滾水，啥乜人啊盈暗就去做鬼。
【註】同上7.〈點啊點將軍〉 點啊點將軍，英雄好漢去做兵， 觀音媽夯摃鎚，摃著啥乜人的尻川，爛糊糊註】同上8.〈掩嘓雞〉 掩嘓雞（iam1/am1koh4ke1） ，走白卵（nng7） ，隨汝食，隨汝吮（cng7） ，嘓雞 仔囡，覕密密（bih4bat8bat8） ，貓鼠仔囝，去做賊，咬咬――kiuh8 【註】即首童謠是咧耍掠指頭仔的時唸的方法是：逐家圍做一個圓箍仔，做 鬼的人的一支手夯懸懸，手心向下面，其他的人的指指（ki2cainn2，食指） ，拄 （tu2）鬼的手心，做鬼的人唸到上尾仔字「kiuh8」的時，手隨合起來，其他的 人的指指愛同時勼（kiu1）轉去，予鬼掠著的人，下一輪換伊做鬼若兩人以 上夆（hong5）掠著，就喝（huah4）拳看輸贏，喝輸的人做鬼9.〈汝欲食清〉 汝欲食清？抑欲食濁（lo5）？ 欲食清送汝去媽祖宮（king1） 送汝去佚陶 【註】這是掩嘓雞（捉迷藏）的時唸的童謠做鬼的人目睭用手巾仔掩稠 （tiau5）咧，一個人佇伊的後壁面用手共伊貼綢咧，問鬼：「汝欲食清？抑欲 食濁？」鬼回答：「欲食清 」囡仔陣就回答：「送汝去媽 祖宮 」鬼閣再回答：「欲食濁 」囡仔陣就回答：「送汝去佚陶。
」彼的囡就共 （kah4）鬼輕輕仔 sak4 一下，其他的囡仔走四散，予鬼來掠，夆掠著就換伊做 鬼10.〈汝欲食桃〉 汝欲食桃？抑欲食李？ 欲食桃放汝去佚陶 欲食李放汝去死 【註】耍法佮頂面仝款11.〈汝欲食糜〉 汝欲食糜（mainn5）？抑欲食飯？ 欲食糜共（ka7）汝扛坦橫（than2huainn5） 欲食飯共汝扛遠遠遠 【註】耍法佮頂面仝款12.〈一的炒米芳〉 一的炒米芳，二的炒韭菜， 三的沖沖滾（chiang5chiang5kun2） ，四的炒米粉， 五的五將軍，六的六囝孫，七的分一半，八的爬（peh4）梁山， 九的去做官，十的徛（khia7）咧看 拍汝千，拍汝萬，拍汝一千五百萬， 羞羞羞，袂見笑 【註】這是拍手刀的遊戲，耍的方法是安爾：兩的人面對面坐好勢，先家己拍 一下噗仔，一面唸「一的」 ，才伸正手互相拍一下噗仔，一面唸「炒米芳」 ，了， 家己拍一下噗仔，一面唸「二的」 ，然後閣再伸倒手拍一下噗仔，一面唸「炒韭 菜」 ，安爾一直重複落去唸到「十的徛咧看」了，喝拳，輸的人就愛予贏的人 拍手，拍的時一面唸「拍汝千，拍汝萬，拍汝一千五百萬」 ，了後，贏的人閣共 輸的人「羞羞羞，袂見笑」 。
13.〈一的磅米芳〉 一的炒米芳， 二的炒韭菜，三的沖沖滾， 四的炒米粉， 五的五將軍， 六的六囝孫， 七的分一半， （汝一半，我一半，無夠看，無夠看 ） ， 八的爬羅山， 九的九嬸婆， 十的撞大鑼， 十一的歕鼓吹， 十二的賣豆花， （豆花車倒攤，西瓜兩角半） ， 十三的倒汽水， 十四的真枵鬼， 十五的燒火炭， 十六的毋敢看， （毋敢看，毋敢看） ， 十七的走去看， 十八的燒一半， 十九的挲（so1）紅圓， 二十趁大錢 【註】耍法共頂面類似14.〈拍鐵哥〉 拍鐵哥，允銅鑼， 丈姆厝，好佚陶， 佚陶厭（ia3） ，提錢買甘蔗，甘蔗園仔，芳芳芳， 囝婿騎馬探丈人， 丈人無佇厝，姨仔呼（khoo1）狗咬姊夫， 姊夫叫毋通， 無張持，後壁予狗咬一空 【註】耍法共頂面類似15.〈一放雞〉 一放雞，二放鴨， 三分開，四作堆， 五搭胸，六拍手， 七紡紗，八摸鼻， 九扭（giu2）耳，十抾（khioh4）起 【註】即種遊戲叫做「放雞鴨」 查某囡仔用沙包（內底囥豆仔，或者是米）耍，查甫囡用細粒石頭耍佚陶的時用三粒沙包，其中一粒是「雞」 ，另外一粒是 「鴨」 ，第三粒是欲抾雞鴨的時，擲（tan3）懸欲用的。
耍法是安爾： 1.手 gim7 三粒沙包，一面唸「一放雞」 ，一面將其中一粒擲懸，放一粒佇塗跤， 閣接擲出去彼粒 2.手裡兩粒沙包，一面唸「二放鴨」 ，一面將一粒擲懸，共另外一粒疊 tiam3 佇 塗跤彼粒的頂面，閣接擲懸彼粒 3.手裡彼粒擲懸，一面唸「三分開」 ，共塗跤相疊彼兩粒分開，閣接擲懸彼粒 4.手裡彼粒擲懸，一面唸「四作堆」 ，共塗跤分開彼兩粒相疊，閣接擲懸彼粒 5.手裡彼粒擲懸，一面唸「五搭胸」 ，一面手搭胸，閣接擲懸彼粒 6.手裡彼粒擲懸，一面唸「六拍手」 ，兩手拍一個噗仔，閣接擲懸彼粒 7.手裡彼粒擲懸，一面唸「七紡紗」 ，兩手佇胸前做紡紗的模樣，閣接擲懸彼粒8.手裡彼粒擲懸，一面唸「八摸鼻」 ，一手摸鼻，閣接擲懸彼粒 9.手裡彼粒擲懸，一面唸「九扭耳」 ，一手扭耳，閣接擲懸彼粒 10.手裡彼粒擲懸，一面唸「十抾起」 ，將塗跤彼兩粒沙包抾起來，閣接擲懸彼 粒安爾一回合就結束四）幻想類1.〈白鴒鷥〉 白鴒鷥，車糞箕，車到溪仔墘，跋一倒，抾著兩先錢一先儉起來好過年，一 先買餅送大姨2.〈打馬膠〉 打馬膠，黏著跤，叫阿爸，買豬跤，豬跤箍仔，焄爛爛，枵鬼囡仔流喙瀾3.〈火金姑〉 火金姑，來食茶， 茶燒燒，配芎蕉， 茶冷冷，配龍眼， 龍眼會開花，匏（pu5）仔換冬瓜， 冬瓜好煮湯，匏仔換粗糠， 粗糠欲起火，九嬸婆仔爻（gau5）炊粿， 炊到臭焦（ta1）兼著（to2）火。
4.〈天烏烏〉 天烏烏，欲落雨， 阿公仔夯鋤頭欲掘竽，掘啊掘，掘啊掘，掘著一尾 suan1 鰡鼓，咿呀嘿都真正趣味 天烏烏，欲落雨， 阿公仔夯鋤頭欲掘竽，掘啊掘，掘啊掘，掘著一尾 suan1 鰡鼓，咿呀嘿都真正 趣味 阿公仔欲煮鹹，阿媽欲煮 ciann2，兩個相扑弄破鼎， 咿呀嘿都啷噹叱噹嗆，哇哈哈 阿公仔欲煮鹹，阿媽欲煮 ciann2，兩個相扑弄破鼎， 咿呀嘿都啷噹叱噹嗆，哇哈哈 弄破鼎，咿呀嘿都啷噹叱噹嗆，哇哈哈，哇哈哈， 哇哈哈，哇哈哈5.〈西北雨〉 西北雨直直落，鯽仔魚欲娶某，鮕鮐兄拍鑼鼓，媒人婆仔土虱嫂，日頭暗揣無 路，趕緊來火金姑，做好心來照路，西北雨直直落 西北雨直直落，白鴒鷥來趕路，翻山嶺過溪河，揣無岫跋一倒，日頭暗欲怎好， 土地公土地婆，做好心來帶路，西北雨直直落6.〈暗蜅蠐〉 暗蜅蠐，哮咧咧；哮啥乜代？哮欲嫁，嫁佗位？嫁柴梳；柴梳欲梳頭，嫁老猴； 老猴欲爬樹，嫁和尚；和尚欲唸經，嫁銃兵；銃兵欲出戰，嫁菜燕；菜燕真好 食，嫁乞食；乞食欲分錢，想來想去搓紅圓7.〈草蜢公〉 草蜢公，穿紅鞋；欲佗去？欲看牛；牛佗去？牛賣銀；銀佗去？銀娶某；某生囝，囝生孫；孫看鴨，鴨生卵；卵請客，客放屎；屎沃菜，菜開花；花結籽， 籽挈油；油點火，火歕化，後壁門仔一隻老狗拖；用啥貨貯（te2）？破米籮； 用啥貨孝？一盤龜，一盤桃，一盤菜粿兼米糕，一盤雞膏亂亂趖（so5） 。
8.〈月光光〉 月光光，秀才郎；騎白馬，過南塘；南塘袂得過，掠貓仔來接貨；接貨接袂著， 夯竹篙，拓獵鶚（lah8hioh4） ；獵鶚 phut4phut4 飛，夯竹篙，弄茶鍋；茶鍋沖沖 滾，一個查某偷遏（at4）竹筍；遏幾支？遏兩支；一支送童生，一支送秀才； 秀才騎馬弄弄來，閹雞掠來宰；宰澈澈（theh4theh4） ，放火燒大伯；大伯走上 山，放火燒豬肝；豬肝臭 hiam1hiam1，麻油糊豆簽；豆簽搏搏彈，掠臭頭雞仔 來搵瀾五）滾笑類1.〈阿財〉阿財，阿財，天頂跋落來； 有喙齒，無下頦（hai5） ；有腹肚，無肚臍； 叫先生，叫袂來；叫司公，拖去埋（tai5） 2.〈秀才〉 秀才！秀才！騎馬弄弄來；佇馬頂，跋落來；跋一下，真厲害； 喙齒痛，糊下頦；目睭痛，糊目眉；腹肚痛，糊肚臍；嘿！真厲害3.〈新娘〉 新娘嫷噹噹，褲底破一空；頭前開店窗，後壁賣米芳； 米芳無人買，跋落屎 hah8 仔底4.〈人插花〉 人插花，伊插草；人抱嬰，伊抱狗；人未駕，伊先走；人坐轎，伊坐糞斗；人 睏紅眠床，伊睏屎 hah8 仔口5.〈圓仔花〉 （一） 圓仔花，白雞髻（kue3） ，翁若行，某就綴（tue3） 。
【註】圓仔花就是球形的雞冠花，以早佇婚禮裡定愛用著，所以又叫做「新娘 花」 囡仔若看著翁仔某行做伙，就用即首歌來恥笑彼個做某的6.〈圓仔花〉 （二） 圓仔花，毋知醜（bai2） ；大紅花，醜。