曲詞由「南音欣賞網」 （http://naamyam.tsuenhead.org）提供，未經唐健垣博士過目，部分內容可能有錯漏 城隍廟（唐健垣唱） 【南音短板面】 來到廣州城外城隍廟就觀看吓，甚喧嘩 廟前嗰啲攤檔，擺到密麻麻 咦！門前有一對石獅子，真係殊高雅， 聽講係明朝嘅古物，實堪誇 圍牆畫滿牛頭馬面，得人怕， 徧徧佢又紅牆綠瓦，係好似一座官衙 廟前嘅空地，就係大笪地，咁就供人响處樂耍， 嘩！呢度有人响處測字，舌粲蓮花 有一個盲公，檔口寫住盲仔祥，同人睇相兼占卦，（白：唔知點睇呢，盲㗎喎！） 佢話三世書，有好多本，乜都有得查白：盲點查呀？你查呀嗎！） 哦，有人大嗌，（白：發財埋便！）叫人埋去睇吓， 佢話公平開賭，冇假冇花 阿燊哥，（白：唔知係咪姓何嗰位呢？）將番攤，咁就來擺下，佢又話無欺詐， 但見荷官，阿九少，就密密把錢扒腔】 【南音短序】 咁我又慢唱，呢一班賭徒，佢哋如何响處樂耍， 等我行埋去嗰一便，咦，點解咁喧嘩 【中板】哦，原來係賣武，將鼓打， 佢哋拳來腳往，又玩棍與耙 又話武當、又話少林，未知真定假， 佢話藥油可醫跌打，梗係誇啦啦 仲話鬼腳七、同黃飛鴻，都唔夠佢打，（白：係唔係呀？） 佢哋又話至善禪師，共獨臂神尼，就係佢阿媽及阿爸。
㗎（白：喂，係咪偷情呢可？唔係，生咗我哋先出家唏！唔好嘈啦 隔離檔口就有個豆皮光頭佬，把招牌掛， 【慢板】寫住西洋鏹水，脫墨係包你無疤（音啦） 各位光頭，或者脫髮，咁你無用怕， 只要將啲豉油，摳鏹水啦，口服係兼外搽㗎（白：有冇效？有呀有呀！） 【中板】牆角有個道人，响處將尖術耍， 將隻拖鞋嚟到蓋（音衾上上聲）住，佢話轉眼就變龍蝦 又話青蛙，隨時可變成蛤乸， 兩尠錢，睇一套，包你笑哈哈（音卡下平聲） （白：喂喂喂，咪住 … … 。